【南美之行最熱鬧呢度！】
嚟到Cusco病病哋諗住抖返日，點知見街頭氣氛好到就暴動咁，原來係世界盃秘魯對丹麥。從來對足球零興趣嘅我，都留低睇咗陣，喺武器廣場熱鬧到爆，單係氣氛已完勝。
經過銀行、超市，甚至博物館show票價個電視，只要有可能access到電視嘅地方，全部播緊呢場賽事，唔止員工，連經理同客人都一齊睇，成個城市唔洗做咁。
下星期係當地嘅太陽神祭（傳說印加帝國第一個皇帝喺Cusco上位，建立起印加王朝），本身已經好熱鬧，加埋世界盃，街頭巷尾都開緊party咁。雖然輸咗，都無損佢哋熱情。